بتركك غصب لو قلبي فبعدك يصيح

مثل طفل على امه يلوي أقسى القلوب

الله اللي سند عزمي,, قبل ما يطيح

واتخذت القرار وثلج صبري يذوب

ضاق في سلوتي كون لغيري فسيح

واجدب الخاطر بعيني فياض الدروب

قلت هذي ضريبة كل حب صحيح

او زمان الشقاء,, دايم خياله كذوب

كثر ما سرني حبك تركني جريح

عاض بسمة شروقه لي بدمعة غروب

الحقيقة سخية نور وظلك شحيح

يحرج اللي يشوف الوضع من كل صوب

انشد الناس وش قال المثل للفصيح

وانا صمتي مواجه لا تعده هروب