كانك تقول أني تبهذلت ويّاك

أنا معك عامين تنزف جروحي

وكانك تقول أستبعد بيوم,, فرقاك

معذور,, لني لك ترى أهديت روحي

ما باقي الا بس أجيك أترجاك

غرّك غلاك,, أقبل وعني تروحي

عامين ناسي الناس وأدور أرضاك

نزلتني من فوق ذيك الصروحي

شمّت فيه ذا وفرّحت هذاك

وأنا معك ماشي لدرب الوضوحي

لكن قلبي تاب وأحرقت ذكراك

كفنت حبك والعزى في طموحي

خل التغلي ينفعك رح بعمياك

حطم غرورك حب شخصٍ نصوحي

وإن غبت,, لا تسأل لذولا وذولاك

إحساس قلبي مات كان أنت توحي

ذق بعض ما ذقته على مد يمناك

جرِّب,, بعض حزني وجرحي ونوحي

وذق بعض ما ذقته على هم جمعاك

وإذا ندمت وضقت,, فاذكر جروحي