آه يا طول ليل في غيابك سهرته
كل وقتي بعد فرقاك صار متساوي
يا حبيبي ورى صوتك ليامن ذكرته
يشعل الشوق با القلب الجريح الشقاوي
ارحم اللي تولع في غلاك ونكرته
ما اعتقد فيك يا عمري تخيب الهقاوي
شوف قلبي بعد فرقاك هام ونحرته
دام ما هو على حمل الاحاسيس قاوي
شوف سيف الوفاء لاجيت اخونك شعرته
اقطع القلب من عرقه اذاكان ناوي
يا حبيبي خلقت الصبر عنك وصبرته
وانت تدري صعب يصبر على الهجر هاوي
يا شعور قبل ما اكتب قصيدي شعرته
ويا طريق على دربه تسير الخطاوي
انكسر في غيابك كم شعور وجبرته
دام شوقي مع جرح البعاد متخاوي