احب رسم بيِّنٍ بين الامواج
واحب خطٍ واضح ما يميلي
لو مال غيره ما تغير ولا عاج
وعلى دروب الحق دوم دليلي
واحب هرج لو هرج كل هراج
ينماز ولو يوزن رجح في المكيلي
واحب عرف اللي له الدين منهاج
ومطوع نفسه بفعل وقيلي
واحب من له زود فضل وله سياج
وان شاف نقصي قد قدره يزيلي
ولاكل هراج به الفلك قد داج
ولا كل من تسمع لخير يشيلي
واحدٍ يمشّي سلعته عند محتاج
وابليس له خل ورفيق وزميلي
واحد لربعه ظل وفي الظلمه سراج
وان نابهم ماناب حر وتفيلي
وياشين رجل لا انتهض صار حجاج
خصمه كذب الهرج عده ظليلي
والطبع مثله يا عرب صار مجاج
لاني مرتاح ولاذي سبيلي