حان الوداع اللي برى الحال طاريه

يا صعب فرقى بلي على القلب غالي

ليت الزمن لا من صفت لي لياليه

ما يصير للفرقى علينا مجالي

او هو لنا يصفى كثير ما نعانيه

ونشرب بعد مره قراح زلالي

دورة فلك والوقت مكثر مساويه

احداث تاقع مثل نسج الخيالي

بس التمنى صعب ما فاد راعيه

لازاد عن حده يعوّد هبالي

حلم وقدمه واقع ننصدم فيه

ونشوف وضع فراقنا لايزالي

وان عاش محروم اللقاء بعد غاليه

ما ظنتي تسوى حياته ريالي

ويبقى جريح فراق من كان يرجيه

قلب مريض وباقي الجسم بالي