سولف ترى بعض الدقايق ثمينه
ما هي سوى لوهي تساوت خطاها
ما فات منها مات لوّك تبينه
والمقبله ما أحدٍ درى وش وراها
الصمت خيم واحضنتنا يدينه
والسالفه ما أدري من اللي خذاها
يمكن تخاف من اللقا والسفينه
اليا ابحرت ودموع الاحباب ماها
دقات قلب الوقت مثلي حزينه
عقب الفرح شافت بوادر شقاها
وانا ان نسيت الهم ما انسى سنينه
هذي بقاياها وهذا جفاها
والورد حفّت شوكته ياسمينه
مالي جدا غير استلذ بشذاها
عن بعد والا القرب ويني ووينه
أبعد من حدود ارضها عن سماها