تبي بعض الذي عندي,,ولا تسأل عن الاسباب

لو ان البعض رغم الصمت ما يجهلك تدري به

انا لامن نويت ادخل,, دخلت من اوسع الابواب

تركت السور والشباك للي نظرته خيبه

انا احب الهدف واضح واواجه واكره الكذاب

واساير من يحب اللعب لين اكشف اساليبه

انا للرايع الرايع سحاب,, وللعدو حراب

بعين اهل الوفا جنة,, بعين الخاين مصيبه

مدام ان غايتي,, حاجة عظيمة,, حالف مااهاب

ولا امشي في طريق خبرت الرجلين تمشي به

كرهت الحب,, تدري ليه؟ لان الحب صار اسهاب

جميع الناس تصبح به,, وكل الناس تمسي به

وصار الحب في غربه,, لان العاشقين اغراب

الا وش ينبغي بالحب لامن غابت الهيبه