عَليت ياصاحب الصوت الحزين

لعل يفداك عمري يامناي

لوتخفي الهم في صوتك يبين

اسمعك واحس بك كنك معاي

ياناعس الطرف وضَّاح الجبين

آسف على ماجرالك في هواي

بي عنك ضيم الليالي والسنين

جعله بروحي عذابك يارجاي

طول السهر والبكا,, الآه,, الونين

خله لعيني الشقيه ولحشاي

لوعات فرقاك والجرح الدفين

صاروا مع طول الايام أصدقاي!!

واحترت مابين شكي واليقين

والحب ماهو خطاك ولاخطاي

وان مربي في حناياك الحنين

تذكّر أنِّي على سابق وفاي