انا اشوف العواذل ياحبيبي يرفعون الصوت
بدو بيني وبينك يزرعون الكره والفرقا
ياليتك تنتبه منهم,, قبل ينقال: فات الفوت
وتبقى فالهوى دايم سمانا صافيه زرقا
انا متولع فيك وغرامي لك عليه ثبوت
وتشهد عيني اللي دايم بدموعها غرقا
إلى من غبت عن عيني تشوتني هجوسي شوت
واقوم ارقا الرجم وانزل واعود ثانيه وارقا
انا مهوب حبي جاهل لا ولا سربوت
على وضح النقا حب الشرف غنت به الورقا
أجيك إن كان تبغاني ولا يمنعني الا الموت
بجيك وباخذك حتى ولوكان اسرقك سرقا
لوعني خذوك وسافروا بك من ورى بيروت
بجي لك لو مكانك غرب والا يالغضي شرقا
لا ارجع غير انا وياك او اني برجع بتابوت
حياتي دونك وموتي سوى مابينهن فرقا
