يا طيف احييك واقبلي تحياتي
حشتمك من حشمة اللي غبت عن باله
لا غاب راعيك جيت تبدد اسكاتي
تمرني يوم خلي من بوصاله
تعال اقهويك واشرب غالي ابياتي
عندي دلال القصيد وهاك فنجاله
لو كان لاجيت جيت وجبت لوعاتي
حي الله الضيف,, مهما كانت اخصاله
لا جاني الضيف لو هو طيف ما باتي
هاذي سلوم الكريم وهاذي افعاله
للضيف دلة قريب النار,, مركاتي
من زارني في صميم القلب منزاله
وللطيف دلة غلا وابهارها ذاتي
يهديه قلبي تباريحه,, ومواله
الطيف ضيف الحفوق وضيف سجاتي
عيب علي اللي يهين الضيف لا جاله
يا غيمة البال هاتي طالبك هاتي
خلي سريب القصيد وهاتي ازلاله
ما قصر الطيف مد وجاب لوعاتي
وانتي عليك المعاني رتبي هاله
