عوى ذيب الهلال وجاوبه ذيب من الأفلاج
زعج بالصوت في تالي العتيم ولجّت اضلوعه
على نادي الزعيم اعواي كثر وصابني بخلاج
احبه حب ما يوصف، وصوت الذيب من جوعه
أحب النادي الغالي، وحبه صابني باحراج
أنا ودّي بشوفه والمدارس مالها طوعه
دوام المدرسة يا هلال يمنعني من المخراج
حلفت اني لزورك في الإجارة بأول اسبوعه
أحب اللون الأزرق يا زعيم فوق راسه تاج
على نادي الهلال اللي جمع للفن والروعه
سلام الله على حي العريجا وشارع الأبراج
هلا باللون لزرق يا جمال الحي واربوعه
على الله نلتقي وياك في ليل بدون ازعاج
سمح لي حارسه والتذكرة ما هي بمدفوعه
