عكس اتجاه الريح في هجعة الليل

خذني على درب المواليف شوقي

على ضفاف الدرب سقت الهماليل

غرقا عيوني والينابيع موقي

امشي وحزن القلب جر المواويل

على لحن نزف الجروح ابخفوقي

امشي واجر الروح عن حافة الويل

خوفي من افراق يتل امعلوقي

جيتك من ارض لا ربيع ولا سيل

جردا مساحاتي هجير حروقي

جيتك وابي منك الهدب لي مظاليل

عن شمسي الحرقا بغطي شروقي

جيتك بعد ما عرقلتني عراقيل

جيتك بعد ما غربل الحال عوقي

خذني معك من وين ما تمشي الخيل

وانا على ابعد عن الدرب نوقي

جاوربنا القمرا وجاور بنا سهيل

في ساقتك بكفخ وابفرد سبوقي