أول صحيفة سعـودية تصــدرعلـى شبكـة الانتــرنت صحيفة يومية تصدرها مؤسسة الجزيرة للصحافة والطباعة والنشر

الطبعة الثانيةالطبعةالثالثةاختر الطبعة

Sunday 2nd July,2000العدد:10139الطبعةالاولـيالأحد 30 ,ربيع الاول 1421

مدارات شعبية

علمٍ فجعني
هذه القصيدة مرثية بالشاعر الكبير رجا الله بن فرج المحمدي الحربي


أرجوك ياناشد كف السوالي
وأعطيك روس اقلام مالك مهونه
ياعل مافالك مسى اليوم فالي
علمٍ فجعني بالمساء تيلفونه
خلاني أصفق في يميني شمالي
وأهني اللي راح ما يعرفونه
كني معلم في فجيعه إعيالي
واللي كذب ياعل بقعا تخونه
ماكن غيره لي رجلٍ صفالي
ولكن ساعات العمار محتونه
من شدة المآساه كلش طرالي
ما أحسب رجاالله يمسي الليل دونه
حملٍ نقلته من وفاته خيالي
الله يساعدني على مركونه
ياريض يومٍ به يبين إبتهالي
ياواقي العثرات قملي بعونه
فقيدته ما هي عليه لحالي
قبيلته واهل الادب يفقدونه
رجلٍ مثالي لاوصفت المثالي
سور القبيلة واحدٍ من أركونه
شخصية تنعد بين الرجالي
سدٍ منيع وراسيات احصونه
يدلي ويحسب للقوافي مدالي
ينقض وفتله ما تحلل امنونه
فيه الصخا والصدق والاحتمالي
وعقلٍ لياجا بالرجل زان لونه
طير الثلاث وللاله الكمالي
متنهض الجنحان عدله امتونه
يهدي على اصحاب السمو والمعالي
في كف نايف شفت شكله ولونه

الشاعر غازي بن مغيران الزغيبي

أعلـىالصفحةرجوع


















[للاتصال بنا][الإعلانات][الاشتراكات][البحث]
أي إستفسارات أو إقتراحات إتصل علىMIS@al-jazirah.comعناية م.عبداللطيف العتيق
Copyright, 1997 - 2000 Al-Jazirah Corporation. All rights reserved