إطلبي ماتبين وتبشري بالسعد

لو بغيت القمر جبته ونجمة سهيل

إطلبي طاير العنقاء ووافي الوعد

إطلبي اللي تمني ماحبيبك بخيل

مرحبا بك مخايل حن فيها الرعد

ماهو بحلم عاشق ينتظره الف ليل

يا هلا بك سعادة قلب صادق عهد

مرحبا شوق صحراء في رجاء وسم سيل

لأجل عينك ترى اللي مستحيل إنوجد

آمرينا وحنا نعطي المستحيل

ماتشيب القوافي في وصايفك أبد

لو تورث جمالك جيل من بعد جيل

ما لقينا بها الدنيا شبيهك أحد

يا احور العين ياشوق الخفوق العليل

واعذاب الذي عن شوفتك مبتعد

تاهت إخطاه في درب المآسي الطويل