ليه تعطيني الامل واضوي شموعي

ليه تسقيني وانا قبل في سراب

ليه انا من عقب ما ابين خضوعي

تقتل احلامي وترويني عذاب

ما دريت القلب يا قاسي جزوعي

من زمانه صار يجرحه العتاب

صحت آه من معاليق الضلوعي

يا عذاب الروح من قاسي الجواب

كيف يرضيك احترق ويزيد لوعي

الله اكبر يا الخطأ وين الصواب

ما قدرت اأفهمك هو طبعك قطوعي

او تهرب من وعودك بالغياب

كل يوم لك مع الخفاق نوعي

تاصل بلحظة وتجفى بلا حساب

حسبي الله,, منك ما وقفت دموعي

من لهب جوفي,, سواد العين ذاب