العام وأنت صاحبٍ لي مخاوي
وهذي السنة خاوتني هموم فرقاك
كنت الصباح اللي لدربي مضاوي
وكنت منى نفسي وعيني تمناك
نعم اعرفك ما تخيب الهقاوي
وأعرف خوافي حالتك حيل واقراك
كانك على بعد المحبين ناوي
ارجوك تسمع كلمتي قبل ممشاك
أنا الذي اتعبت كل الخطاوي
اتعبت رجلي بالخطا يوم أنا انصاك
وأنت الذي سمعت فيني الحكاوي
سمعتها من شخص عاذل وخلاك
نسيت معروفي وقلبٍ عطاوي
وارخصت من هو جا بنفسه يبي رضاك
خليتني في المدن مثل الخلاوي
واليوم بينت الردى من سواياك
والله لعز النفس عن كل غاوي
لوني أحبك واعشقك با اتحداك
لكل جرحٍ من قديمٍ مداوي
لابد ما القى غيرك اليوم وانساك
