لاتندم الزمن وايامه ايامه

والليالي كما هي جل خالقها

خاسر اللي يمر الفرض ماقامه

ورابح اللي فروض الله مطبقها

ينعرف صاحب الزلات فابهامه

وكل شامخ دروب العز عاشقها

ومن تعلم يشوف النور قدامه

والجهل به كثير انفوس مغرقها

صاحب العلم دايم عالي اوسامه

والجهل بخير الامه ويدرقها

والعلم ترى أكبر من علامه

سنت اللي خلق خلقه وفرقها

كل واحد يحب يحقق احلامه

والمقادير بعض احلام تسبقها