يقول ابن عياد وان بات ليلة

يرزقني الله ما تعدد فضايله

انا ليا ضاقت عليه تفرجت

ماني بمسكين همومه تشايله

يرزقني رزاق الهوايش بجحرها

لا خايلت برقٍ ولا هيب حايله

ترى رزق غيري ياملا ما ينولني

ورزقي يجي لو كل حي يحايله

جميع ما حشنا ندور به الثنا

وما راح منا عاضنا الله بدايله

نوب نحوش الفود من ديرة العدا

ونعدل اللي ذاهبات عدايله

نعطي بالايدي ما دفعنا بها الثمن

ثمنها الدما بمطارد الخيل سايله