يقول من طب أعذب الشعر واختار
عذرا ابيوت البكر أخذها بيدها
بالعقل عاير جسمها باصعب عيار
حروف الوفا والحب جملة جسدها
وبالقلب لبّسها اجمل اللبس واسوار
بنتٍ جمال وتطرب اللي نشدها
ويوم استعدّت للسوالف بالاشعار
من كل قلبه لبو فيصل سردها
مني تحية شكر ياالوالد البار
تحيةٍ من كل شعبك مددها
ياخادم البيتين يا حامي الدار
ياخير جاء للمسجدين وبلدها
ياعزنا ياحر يانسل الاحرار
وجه السعد وأيامنا انته سعدها
حاكم حكيم وصرت للحكمة شعار
في صفحة التاريخ ما أكثر عددها
لو دارت الاحداث لك راس مادار
راس يركّدها وهي في نكدها
ويمناً يغطي شبرها كل الاشبار
كل شبوره قاصره لافردها
وشعبك من افعالك طلع لأعلى الادوار
وقفت له لين المعالي وردها
شعبٍ رفعت اسمه الياجات الاذكار
ايه السعودية ونعم بولدها
سيرت معك المملكة خير مسيار
ياشيخها ياكلها يافهدها
نطلب ونسأل ربنا صغار وكبار
يمد عمرك يوم عمرك سندها
