جيتك من اقصى الشوق متعب جوادي

لاجل المشاعر تحتضر فيك وتموت

عطها الأمل لا تترك القلب غادي

مافيه داعي يمضي الوقت ويفوت

قفَّى العمر ما فاد فيه التمادي

سقت الهوى من ساحه الحب للموت

يا منتهى ذوقي وغاية مرادي

شوفك سراب وردّة الروح والقوت

تاخذني الذكرى على كل وادي

واذكر حلاك وروعة الورد والتوت

وابقى أسير لذكرياتك وانادي

ويرجع صدى صوتي من البعد مكبوت

ياما ناديتك وارتجاك الفؤادي

حتى غدى حبل الرجاء منك مفلوت

عاود حنينك لا تزيد بعنادي

ما تشوف حبك داخل الجوف منحوت

الوضع ما اصبح لو تأملت عادي

كيف البحر يلفظ على الشاطي الحوت

بنطر رجوعك يا هناي وودادي

دام الغلا ينزف لك الشوق ببيوت

وكانك رميت اعهودنا والمبادي

برحل واكفّن حبنا وسط تابوت

عمر الهناء ساعة ولا له مزادي

إما ابذله والا انسحب عنه بسكوت