صمت الليالي جرحها من تجافيك

مجروح انا والحال فيها مخاطر

كم قلت لك مات الهوى بين أياديك

وضاعت حياتي بين امسك وباكر

ياليت روحي ماشقت في تغليك

وياليتني معدوم حس ومشاعر

عذبتني خليتني دوم ارجيك

وانت الذي في قسوتك دوم كابر

وين الغرام وين صادق معانيك

وين العهود اللي تسلي الخواطر

إلى متى روحي على الوصل تدعيك

إلى متى أكتب معاناة شاعر

ماعاد فيني حيل يسمح يناجيك

خلك بعيد أرجوك باحساس عابر

حان الوداع اليوم ماعاد لي فيك

أنا مع الهجران بارحل واسافر