أغار فعلاً وأبيّن مصدر الغيرة

وممن؟,, ولاشك بصلي ولا بأصله

البيت هذا يبي وقفه وتجبيره

به مفرداتٍ تقل ماهي بمتصله

ياهاجسي عطني من أجزل معانيك

وبا صير أنا ياهاجسي كاتبٍ لك

قالوا لي إن راعي هالأبيات شاكيك

وإنك سرقته عمد ما أحدٍ فطن لك

وانحدرنا وانحدر فينا العمر

والقبر مفتوح (والدفنه تلوح)

لا بلهجة باديتنا ولا الحضر

(قالوا الدفنه تلوح) اسمع نصوح

لامصوت ولا نوخ ركايب

لويهلي بي (فلا ني مستجيب)

وزن هالبيت هذا به عجايب

كسر وإذا اعتدل لفظٍ غريب

وإذا قالوا لك إن قلبي من فراقك نزف غله

قل إن: ما به بلا عسى درب السعد فالك

وإذا قالوا لك إن الوزن عندك صار به خله

تقبلها بصدرٍ رحب والله يستر احوالك

ياراعي الساعة اللى دقايقها

أطول من أيام (غره وشعباني)

بالله لا تحسب الوقت وتعده

كله على شان لاحي وليحاني

من يسمع السالفة ما يصدقها

ياربعنا لاحظوا شطره الثاني

في قول (غره وشعبان) وش حده؟

كله على شان لاحي وليحاني