يا اللي زرعت بخافقي جرح فرقاك

وانا بدمي وبدموعي سقيته

حتى نما واثمر سكاكين واشواك

جرحٍ زرعته بي وجرحٍ جنيته!!

وش عاد يا الغالي ومثلك وشرواك

ترخص له الارواح والبيت بيته

حي الجروح اللي من اسباب يمناك

وحي العذاب اللي من اجلك لقيته

تستاهل أشقى بالنوى بعد لاماك

واستاهل أحظى بالوفا اللي وفيته

لكن سألتك ياعسى عمري فداك

يادربي اللي غصب عني مشيته!1

وش نيتك في اللي يحبك ويهواك

باقي على ذكراه والَّا نسيته؟!