لاعاد تنشدني بعد موت النشايد وش حصل
كل العلوم اللي تبي تفتيك ماتت كلها
خلك على ضاح القصيد وسالفة هاك الزعل
وانته تعذر اللي نسج قصة غلاك وملها
لاسولفو لك عن قصيد اللي على جروحه رحل
فتل الخيوط اللي سدت شعره تبي تفطن لها
الجرح هالمره مكانه صار في عنق الوصل
ياذابحٍ روح الوصال اللي تبي تاصل لها
ماتت تحت رمل الغياب بدون عنوان ومحل
لو اجتمعنا كيف تحييها وانا ما ادلها
اتركني اقفل باب نفسي عنك وارفعها دبل
دام انت مشراق الجروح اللي بدا لك ظلها
اتركني انجب من اخصام الروح ياروحي جمل
مايشكي البيداء ولو يجفاه حامي ملها
ماعاد حولي دون عندي ياحياتي فيك امل
كل العلوم اللي تبي تفتيك ماتت كلها
