مهما تروح وتبتعد ما أقدر أنساك

صورتك في داخل عيوني سكنها

أعيش كل الوقت مع طيف ذكراك

ياروحي اللي ماتبريت منها

تنور حياتي لاتقابلت وياك

وتذبل ورودي لاتبعدت عنها

ياكثر ما أحبك وياكثر مااهواك

محبتي لك مايقدر ثمنها

لاشك روحي متلفه طول فرقاك

والا أنت ماتعبت المراسيل عنها

اتعبت روح بالهوى تتبع رضاك

الروح مهرة وانت بيدك رسنها

وين أنت يالمحبوب غبت وفقدناك

وغيبتك طول ياحبيب زمنها

ان كان طالت ياهوي البال رجواك

جهز لروح اللي يحبك كفنها