اسير الحب والغيره بلاوي

تخرب كل مامعها بنيته

عشقت الحب واصلي كنت غاوي

ياليت الحب بعته ماشريته

ترك دمعي بوسط العين ناوي

يشق العين لولا مابكيته

احسب الحب لجروحي يداوي

من الحرمان في وقتٍ قضيته

وغرتني بدنياي الهقاوي

وتعبت ولا لقيت اللي بغيته

قضيت الوقت مع نفسي خلاوي

وجرح العشق في قلبي كويته

على ياطير يالحر النداوي

وش اللي من عنا قلبي جنيته

انا حريتي عندي تساوي

جميع اللي انا بعمري لقيته

زمان اول لقربك كنت هاوي

وابيع اللي زمان اول هويته