خنت الوطن ياخاين العهد والدين
وانته على القرآن واضع يمينك
يوم الوطن ربّاك في العسر واللين
جازيت بالنكران من قل دينك
وراك ما اشعرت الرجال الحكيمين
ان كان شفت من الخطأ مايشينك
حكامنا اللي للمواطن رحومين
اللي على الدنيا ودينك تعينك
اللي بحكم الله والشرع ماشين
حكم العدل ماهوب حكم يهينك
لكن في عقلك جموع الشياطين
نكرت للمعروف تبت يدينك
ظلمت ولدينك وهمه بريئين
مايعلمون ان المغوّي قرينك
خيبت املهم يوم اطعت المغوين
لابد ماتلقى جزا والدينك
اجن الندم ياميت القلب والعين
عملك هذا وصمة في جبينك