يا بنت وش بك عن غرامي تصدين
وش غيرك يا بنت وانتي نصيحه
حبك بقلبي صار له فوق عامين
من عقب فرقانا وحالي جريحه
انتي هواي وفرحتي يا ادعج العين
ولا غيرك انسان لقلبي يريحه
انتي المنى لا من تناسيت يازين
ولا غيرك اتمنى ولو هي مليحه
يشهد علي الرب يا كامل الزين
ان لك بوسط القلب مبنى فسيحه
يا كيف تنساني بسبة عذولين
خلوك تنساني وهذي مجيحه
ما هو بحق انك تعذبني سنين
وتدمر بيوت العز هذي فضيحة
عذبتني يا سيد كل المزايين
واسهرتني والعين دايم سفيحه
وختامها متى علينا تعودين
تصفي القلوب الصافية يا مزيحه
وختامها متى على الله تودين
الظلم شين وقلتها لك نصيحه
