الله من دمعٍ على الخد سكاب
دمعٍ نزل ما بين حزن وكآبه
حاولت انا في باب والحزن في باب
واثره فتح قدام وجهي ابوابه
انا الجريح اللي من العام منصاب
وان زادت المدة تزايد صوابه
جرحٍ قديم بداخل القلب ماطاب
وجرحٍ جديدٍ تو قلبي لفابه
كله سبايب واحدٍ عننا غاب
حنا نبيه وهو طول غيابه
اموت أنا في نظرةٍ بين الاهداب
ويحبها قلبي ولو هي عذابه
ماظنتي ينسى ولا الظن به خاب
بس الظروف اللي نهبته نهابه
يا شينها لا فرقت بين الاحباب
دنيا ظروف الناس فيها تشابه
ابنتظر عودته في درب الاغراب
وان ما رجع قلنا لموتي هلابه
امرٍ من الله ما حسبنا له حساب
امرٍ من الله ما حسبنا حسابه
