يالامير اسمح لي ابا آخذ مع ضيدان قاله

طالبك يا سيدي لاحد يجي بينه وبيني

اشرب الفنجال يا ضيدان واكب البياله

طيب يا صاحبي واحب سلم الطيبيني

بالنيابه عن الامير اللي ترى حنا خواله

مرحبا لو ما تسلم يا عشير الغانميني

يالعبيدي لا لقيت الهاجري واقف لحاله

صح لبن شايق وانا ربي على الدنيا عويني

بارك الله بالامير اللي يظللكم ظلاله

وانتم اللي صيتكم بين القمر والفرقديني

والله ان الهاجري بالضيق درع ينعنى له

سد دينك يا ولد قضعان وانا اسد ديني

يابن ريفه لا تعدى الحد والدعوى سهاله

لد بابن مشيط لا تشبح يسار ولا يميني

والله انا ما وقفنا الا ندور للجماله

ميرلا تاقف على درب الثلاثه والثنيني

والله ان ماني لابن مرة مجود بالكفاله

والامارات العربية على راسي وعيني

التفت لي والتفت ولا بلاش من الزماله

ما تمشيها علي وانا ابن مفلح مرتيني

يا كثر ربعك بذيك الدار يا راع الخياله

ميرانا مسلم وربعي كلبوهم مسلمين

اعترفت بالاوله والثانيه مالك محاله

احتملها في ظلال الحلف والقاسي يليني

انت يم اقصى الديار اشفق من وليد الغزاله

انتبه لا يخرج الموضوع كله من يديني