الدرب غربه,, والمدى هم وجروح

وحزن امسي اللي راح كم يشبه اليوم

يا اول لقا واجمل غلا واعذب طموح

استاذنك ما عاد للخطوة عزوم

رغم الغلا والشوق والوجد والبوح

عاد الامل من ساحة الصبر مهزوم

تكفي ابي تقسى,, وتنسى,, ومسموح

عندي شعور انك معي حيل مظلوم

ما قولها مجامل,, ولا قلتها مزوح

احساسي اكبر,, من سواليف وعلوم

راح العمر اهات واحزان ونزوح

وفينا اللقا صار الهنا فيه معدوم

بوداعة الله وين ما رحت وتروح

وعسى حياتك,, يا حياتي فرح دوم

يا غالية واغلا من الروح للروح

اودعك,, ويودعك قلب محروم