من أول البال لك مرتع وروضة حنان

وفياض حدب المحاني بالوفا تحتويك

واليوم ما عاد لك بالصدر قدر ومكان

والحب مات وسبب موته فعايل يديك

زودت حمل العناد ومال فيك الزمان

ولاطعت قلب يحبك حسبي الله عليك

خل العتب عنك واللي كان يالعذب كان

ولا ترتجيني وأنا ما عادني مرتجيك

اخلصت لك لين مجهول الخفا منك بان

وحبك نسيته وظني خاب يازين فيك

من يزرع الشوك ما يجني منه زعفران

والفرق واضح وفرق بين هذي وذيك

وانا لي الله وحبك يا عصا الخيزران

مايبل كبد العطش والعمر ما يحتريك