وليَّ زمانٍ بالخطا كنت مسموح

ظنيتك لقلبي دواه طبيبه

وقتٍ مضى بأفراح واشعار ومزوح

مثلت لي دور الحبيب لحبيبه

لاشك بأنه الزيف والزيف مفضوح

ما اخفيت لابد الزمن لي يجيبه

مالي بعشرة خاين العهد مصلوح

الحب شوق احباب ماهو غصيبه

مليت اجامل وانزف طعون وجروح

وادفع شباب العمر لأجله ضريبه

راح وين ماودك وانا عنك باروح

لابد ماكلٍ يلاقي نصيبه

بالقى بدالك واحد يشعل الروح

حب يفيض احساس صدقٍ وطيبه

مملوح ما مثله مع الناس مملوح

هذا عوض ذيك السنين الصعيبه