للعيد فرحة,, بس عيدي حضورك

يوم اكتمل في جيّتك نصف عيدي

ياما,, وياما كان قلبي يزورك

ياما لقيتك بين قلب ووريدي

استاهلك لو كنت مارضى غرورك

لو ماقدر يكبر بعينك قصيدي

ماهو مهم أعطيك معنى لدورك

إلي مهم أكون عندك وحيدي

مادامني مابين ظلمي وجورك

أعيش في جو بصراحة سعيدي

حتى قدرت أصير منبع سرورك

لو كان قلبك في البداية عنيدي

وأكدت لي هالحين معنى شعورك

وأثبت لي بالفعل معدن فريدي

يوم اكتمل عيدي بطلة حضورك

عيدي ترى عيدين ماهوب عيدي