يا هوى نفسي اللي منك عيت تمل

يا منى الروح,, ياللي بالغلا,, زايده

ليت مافيه للاعياد عطلة عمل

ما تروحين يم الديرة النايده

آخذ أيام لا رحتي بخوف وزمل

لين اشوفك بعيني للبلد عايدة

شوفك اعياد قلب له غديتي أمل

اي ومنزل علينا سورة المايدة

بكره العيد منتي فيه والمحتمل

فرحتي به بدونك أمنية كايده

مال قلبي مع الأفراح جمعا شمل

غاب كلش معك,, ما بالحكي فايده

مير هاك التهاني في حروف وجمل

عبر همزة وصل,, مني لك معايده

عل عيدك سعيد وفرحتك تكتمل

ما تصير الحزون بجوّك,, السايده