الله يعيد العيد للكل بالخير
الله يهني كل بيت بعيده
لحدود كل المملكة بالف تقدير
ما منهم الي يشتكي له فقيده
يوم الليالي واردات مصادير
وتنشر معالمها بصفحة جريدة
تنشر عن الإسلام بقوا تعابير
وتعلم الجاهل بشي يفيده
والجهل قفت به سنينه مدابير
والعلم صار اليوم يا قف ضديده
وجتنا سنين العز والعز تنوير
وردة سنين بالمكارم جديده
وبلادنا ذليوم قامت بتطوير
علوم على وطر المعالم مفيده
فضل من المولى قوي المقادير
إلي عطا الإسلام عطواً حميده
صاروا بوطر العلم جيل مباصير
ومن فضل ربي ما سكين العقيده
في ضل حاكمهم فهد صاحب الخير
ماب الحساني عن ملكهم بعيده
نهضة وطن من عند رايه بتدبير
أبوه قبله والمعالم وكيده
دون العطاء مهوب يبدي معاذير
ياالله عسى ربي يعزه يزيده
وصلاة ربي عد منقال تكبير
على نبي مرسلٍ بالعقيدة
