كان الرحيل يريحك يا هوى البال

أرحل وخل الجرح بالقلب خافي

كانك نويت تصير بالوقت رحال

خذ راحتك يا صاحبي لا تخافي

وكان أنت ناوي يا هوى بهدم الأمال

قرارك احترمه ولو كنت جافي

ولو تهجرن حبك عن القلب ما زال

يبقى بقلبي ما يجيه الجفافي

لو مدت الغيبة على وقتها طال

أجحد جروح بالضماير خوافي

عزاي بغيابك على كل الأحوال

أهم شيء أنك بديت التجافي

وان كان وقتك ما صفالك وبك مال

عود وتلقى صاحبك دوم وافي

ما سألك عن ما مضى أي سؤال

قلب المهاجر يا هوى البال صافي