ما يغيب اسمك ولا دورٍ لعبته يا ولد سلطان

حي من يقضي لزوم أبوه ويلبي ندا عمه

اصعد العليا وفاخر بالثقه توج بها صفوان

الشرف تاقف مراكيبه على شرواك وتضمه

ما يغيب اسمك ولا دورٍ لعبته يا ولد سلطان

حي من يقضي لزوم أبوه ويلبي ندا عمه

لك مع التاريخ ميعادٍ جديدٍ يوم فعلك بان

جيشنا محظوظ بقرومٍ على الناموس ملتمه

أنت من يستاهل المنصب وحيد الزاويه يشمخ به البنيان

شبل ضرغام العرين اللي نباهي به على الأمه

المراجل ما لها نومٍ ولا يظفر بها النعسان

ما تشوم إلا لزيزوم الى ناظر سعت يمه

خالد الحريف بعلومٍ الجيوش وقايدٍ له شان

من درس في جامعة سلطان متواسي على القمه