عاشت يمينٍ عاليه دايم الدوم
ماعرفت الا بالأمور العظيمة
عطفٍ يعالج فايضه كل مكلوم
وجودٍ على المحتاج هتان ديمه
ولطم الخصيم اللي ملا راسه الزوم
إن فاق,, والا ذاق مر الهزيمة
يمنىً تميّز بين الأصحاب والقوم
كلٍّ تحدد له مكانه وقيمه
يمنىً عوايدها رفي كل مثلوم
لعلها بالعز تبقى سليمه
يمنى الامير اللي بعيدٍ عن اللوم
دايم ركابه للمعالي هميمه
ابو سعود اللي عسى عمره يدوم
رايه حكيم وفيه شومه وشيمه
عن الصغاير يرفع الشوف ويشوم
وجهوده لعز العرب مستديمه
فعلٍ ثبت,, ماهو دعايات وعلوم
هو قدوة أرباب العقول الحكيمة
سليل مجدٍ من يماريه مهزوم
اليوم,, والا بالعصور القديمه
