قلب جروحه نازفه غدر,, الازمان
واصبح كلامه ملتزم موقف,, الصمت
كله اماني يسلك الدرب نسيان
وكل المواني تختفي لاتقدمت
حظ القلم من جاير الهم حرمان
وحزن تناثر لانطقت وتكلمت
وبين الرحيل وغربة بين الاوطان
انسى عذاب من عذابه تحطمت
كتبتها باحساس شاعر وفنان
قصة حياة من قهرها تعلمت
طرزتها من دمعة العين عنوان
دليل على صدره به الهم نادمت
واسمي وذكرى بعض الايام سلوان
تشبه امل في نطق حرفة تلعثمت
بعض السنين بدفتر العمر ميزان
تحرق ليالي في ذراها تبسمت
تكتب عنا وينك تعاسة وحقران
وترجع لماضي في تناسيه عزمت
من بعد عرش كنت انا فيه سلطان
وسيف بيميني به سطيت وتحكمت
اليوم ذاك العز ماعاد له شان
لا شافته عيني بحرقه تألمت
سود الليالي والقمر مابعد بات
راحت حياة في زمنها تحلمت
