خلص كل الكلام ولابقى غير الفراق حلول
تفضل بعثر اوراق الغرام وشتت احلامي
مادام ان الجفاء سيفه بكفك يالغضي مسلول
ابرفع راية بيضاء واداري جرحي الدامي
واقول الله يبارك فيك كفن عاشق مقتول
تراه الصاحب اللي كان ينبض بالغلا السامي
عسى لامن دفنته وابتعدت بدربك المجهول
تذكر من سقا قلبك غرامه وانتهى ظامي
والى منك ندمت وجيت يمه تعتذر وتقول
حبيبي سامح المخطي وعوض سالف ايامي
باقول لك الكلام اللي بقلبي له زمان يجول
عسى لامن سمعته تنتبه لي يا اكبر اوهامي
خلص كل الكلام ولابقى غير الفراق حلول
تفضل شتت اوراق الغرام ورجع احلامي
