حصل خير لاتعاتب ولاتشرح ظروفك

كفايه تعاتبني على كل ماجاني

كفايه تذكرني بفضلك ومعروفك

ترى مانسيته بس وقتي تناساني

عيوني ترى عيوني تحسد البشر شوفك

وانا ماقهرني غير بعدك عن اعياني

تمنت كفوفي بالهوى لمست كفوفك

خاب الأمل ياهل ترى منهو الجاني

مثل حاجتي للروح محتاج لوقوفك

تحمل شقا الأيام ياشوق من شاني

الا ياظما روحي لذكراك وحروفك

تعطشت للتذكار لو توه اشجاني

حبيبي تفهم موقفي وافهم ظروفك

ترى اللي جرى لك يامنى خاطري جاني