أنشدك عن شيء رخيص وغالي

ما ينفعك دونه عيال ولا مال

يخيف ويفرح للرجال الثقالي

وكل يحبه من مقيم وجوال

وهو يعني بذلك الماء

انشدك عن طير الاطار ما شيف

له موقع لا طار لازم يروده

له موقع بين السهل والمشاريف

في شق ظلع لاجى عن فهوده

يشوق حتى للبني الغطاريف

ومن شافته ترمى الغط عن اخدوده

ومعنى اللغز هو النوم

لو الله الا راح وقت المكاشيت

وهبت هبوب الصيف كله عجاجي

يا شين جو فتت القلب تفتيت

وكدر علي العيش عكر مزاجي

لولا هموم بالحشا ما تغنيت

بأبيات شعر قلتها با أنزعاجي

لو الله اللي للمكاشيت كبيت

ما عاد فيه فلة للحجاجي

يا ما لبراد الجو والله تشهيت

والصبر لو أقواه ينفع إعلاجي

يا زين لا منك للحجاج فليت

بجبال طخفه والابدنا اسواجي

السيل يزبد والرعد له تصاويت

والقاع صابة من البرق ارتجاجي

قالوا تمن وقلت والله يا ليت

جمس جديد وما أدخلوه الحراجي

وخمسة آلاف من الغنم لو تمنيت

كلها انعيم ومن خيار النعاجي

ومعهن عشر عمدان مقصودي البيت

بيت الشعر ما هو حديد وصاجي

في حافته شبيت ناري ودنيت

محماس مع نجر وموقد إسراجي

وحكرت لي فنجال بن وتقهويت

وما عادلي من بعد هذا حواجي

ويا الله يا للي تخرج الحي من ميت

يا فارق بين القراح وهماجي

طالبك تغفر زلتي يوم زليت

وطالبك تجعلني من النار ناجي