وشلون تطلب يا ريش العين ديوان
وأنت الذي خليت قلبي دواوين
ديوان حبا يا هوى البال وحزان
فيها صحيح الحب يكتب عناوين
ما فيه قصة بتنكتب دون عنوان
سميتها قصة كفاح الوفاء وين
ما يستوي بالحب نايم وسهران
اسهر طوال الليل وأنتي تنامين
اللي بقالي يعلمه رب الأكوان
واللي مضا لي هم وأنتي تعرفين
وأن قلتلك قلتيلي الوقت ما حان
متى يحين الوقت يا كامل الزين
يا نور نور النور والصبح لا بان
يا غصن موزن ناعمن بالستاتين
والله ما غيرك خطف قلب فيحان
أنتي عذاب القلب يا قرة العين
أما نظرت الوضع يا صاحب الشان
والا ترى مع طلعة الشمس شاكين
ابرفع الموضوع لحقوق الإنسان
وعندي على ظلمك شهود وبراهين
