قالت جديدك قلت لو تسمعينه
يجوز يا مصدر عذابي تعذرين
القاف لو هو مفرداته سمينه
لا صار في غيرك نواديه هزلين
خلي جريح الجاش لا تبحثينه
ما دام عن واقع خفاياه تدرين
وشلون بسيوف الغلا تجرحينه
اللى ضياعه بالنحر والحجاجين
لو إن قلبه من حصاتن متينه
يذوب كنه في شديد البراكين
القلب لسيوف النواعس رهينه
أسير عكش ملوعات الشقيين
مشاعر المغرم بنجلك سجينه
كن البسيطه ترتجف يوم تغضين
كن الذحاحي بالمحاجر قرينه
منهن نجات العاطفي بين قوسين
كاس الجمال المنفرد تملكينه
عليه يا سيد العذارى تعيين
ما دام ميثاق الوفى تذكرينه
أنا على يالجوهرة ما تخبرين
هذا جديد معذبن تطلبينه
عليه يا مصدر عذابي براهين
