| مدارات شعبية
ذكرتك يوم طاحت دمعة الذكرى على خدي
ونسيت اني حلفت اول ما جيت لسيرتك طاري
ذكرتك يا الله النسيان في جزري وفي مدّي
ذكرتك وانكشف ليل تلمّه غربة اسفاري
ذكرتك يا شقى عيني علامك ساكتة ردّي
اهو انتي مثلي وشوقك مثل شوقي مثل ناري
حرام تصدق الهرج وتبيح بجد يا سدّي
ترفق يا دخيلك لا تحن وتكشف استاري
دخيلك يا جروح الأمس يكفي يس ذا حدي
قبلت بواقع أيامي ورضيت بقسمة اقداري
ألا يا طير هوجاسي تريّض واستمع ردّي
حرام تحدّني وتردّني وتشتت افكاري
أنا ادري يا خفوق اني ظلمتك بس ما ودّي
يمين الله ما ودي ومثلك خابر وداري
ظلمتك يوم قلت انك مع الحظ الردّي ضدّي
ظلمتك ظلم ما ظنيت عقبه تقبل اعذاري
هويت وكنت احسب انه محد من ها البشر قدّي
ولا احد منهم بياصل ولا ربعين معشاري
حلمت وكلها اوهام بنيت سوارها بيدّي
وكشفت اني بيديني كنت أشب النار في داري
اهو معقول يمديني واكون بشدّي ومدّي
واعدّل مايل ايامي واقوّم طايح جداري
متى بالله يجيني يوم وانسى الهم واعدّي
واخلّي حاسدي يشرب شقاي وعلقم امراري
وذكرتك دمعة طاحت من أقصى العين في خدّي
ذكرتك وارتعش جسمي العليل وهاضت اشعاري
قديم الشوق
|
|
|
|
|
