طال السهر والعين راقت عن النوم

وتذرف على فرقا وليفي عيوني

وقلبي سطابه واهج البعد وهموم

هاضت بصدري وانتحت له شجوني

كني طريح شينوا فاله القوم

عقب المعزه قيدوه مهيوني

والا قريص من الثعابين مسموم

راحت حياته بالاسى والحزوني

لو.. لا مني العذال ما ينفع اللوم

ولا همني لو العرب ينقدوني

فكري مهوس هاجسي بالغضي دوم

وخطير عقلي ينتهي بالجنوني

يا بو سهو ما فيك ياالقرم معلوم

ما عاد عقبه يرجهنن شطوني