هذا الطريق اللي يسمونه الصمت

بامشيه لاخر ذرة من جنوني

دام الحكي بعثر مشاويري اقسمت

اني لاعزي في ظنوني ظنوني

حبيبتي لامن ذكرت وتألمت

في واحة النسيان ابدفن عيوني

تعبت من غدرك سنين وتعلمت

ان العواصف سببت لي سكوني

حبيبتي يكفي ترى لو تكلمت

يمكن طريقي ينتهي بي بدوني

اذا لقيتك في طريقك وسلمت

لاتذكريني واذكريها طعوني

انا تراني في حياتي تيممت

درب بداياته نهاية شجوني

ذاك الطريق اللي يسمونه الصمت

بامشيه وانهي قصة من جنوني