أول صحيفة سعـودية تصــدرعلـى شبكـة الانتــرنت صحيفة يومية تصدرها مؤسسة الجزيرة للصحافة والطباعة والنشر

الطبعة الثانيةالطبعةالثالثةاختر الطبعة

Saturday 7th April,2001 العدد:10418الطبعةالاولـي السبت 13 ,محرم 1422

مدارات شعبية

وين الصديق
لا يا زمان ارجوك خلك معايه
لا تجتمع مع بعض الانذال ضدي
لا يازمن خانوا جميع اصدقايه
وشفت الصداقه عكس ما كان ودي
وين الصديق اللي يحارب عدايه
لو غاب ماضنيت غيره يسدي
وش السبب يا ناس وشو خطايه
وانا معاكم ما تجاوزت حدي
عايش وحيد بحيرتي مع شقايه
يا ليتني ما بديت للناس سدي
في كل ليله حاير من مسايه
واسهر كما يسهر على الباب جندي
غابت نجومي واختفت من سمايه
وانام دمعي سافح فوق خدي
وقت الرخا تلقاه فيه الكفايه
ووقت الشدايد غاب عنك وصدي
ما ابي الردي لو هو اعز اقربايه
ولو كان جده من صماصيم جدي
ما ابيه نقال الحكي والوشايه
دايم كلامه بين مد وشدي
وقصرت عن راعي النمايم خطايه
هذاك ما اظنه صديق يعدي
ولفيت عن بعض المجالس رشايه
وتركت ناس رايهم ما يقدي
واقول قول الشمري بالنهايه
«الله على دور مضى لو يردي»

راعي العليا


أعلـىالصفحةرجوع

















[للاتصال بنا][الإعلانات][الاشتراكات][البحث]
أي إستفسارات أو إقتراحات إتصل علىMIS@al-jazirah.comعناية م.عبداللطيف العتيق
Copyright, 1997 - 2000 Al-Jazirah Corporation. All rights reserved