شبيت جمر الغلا . لين إنطفت ناري

وين أنت يا أجمل عيونٍ شافت عيوني؟

مليت وأنا أحتريك. وملّت أشعاري

حتى السهر ما يبي يسهر مع جفوني

الليل ما عادله خلقٍ على أخباري

عقبك تخون السوالف هقوة ظنوني

ياحيف ما كن لي في خاطرك طاري

كنك تجيب الخناجر تنبش طعوني

تو العلاقة معاك وتو مشواري

يمديك تلحق على آخر ثورة شجوني

تعال علّم غلاك بحملة أسراري

ودي أحبك وانا رايق على هوني

خلك بقربي وضو الشمع في داري

ابرسمك في خفوقي لوحة فنوني

ياأجمل من الحب وأجمل لحظة اقداري

ليتك تعيش الغلا في نظرة عيوني